AL FONDO CORONEO

 

Avanti, avanti, signore, adesso subito prinzipia, adesso subito scominzia la presentazione del premiato Teatro Angelico. Dieci soldi se paga, picoli, muli, militari, pagano la metà.
Miss Virginia, la più forte dona del mondo, l’unica in Europa che la porta ogni rapresentazione quatrozento chili, overossia quatro quintai in fero. Ecolo qua un pezo de fero in forma de un trapezio che manovra la giovane miss Viginia cola sua forza de brazi. Ecolo qua un altro pezo de fero in forma d’un canone che manovra la giovane miss Virginia cola sua forza de brazi muscolari. Se gavete piazer de vedere, se gavete piazer de entrare, adesso subito prinzipia, subito scominzia il premiato teatro Angelico. Dieci soldi se paga, picoli, muli, militari, pagano la metà.
Alè meine herr’n….
Alè, peite nutre gospodina…
Se gavete piazere ancora un posto ve meto, un ultima recita de la jornata, quatrozento chili de qua, quatrozento chili de là, quatrozento chili davanti e quatrozento chili dedietro; adesso subito prinzipia, adesso subito scominzia. No le staghi far stupidezi, che una combinazione cussì granda come questa xe impossibile che la ghe possi vignir. Miss Virginia, la più forte dona del mondo, l’unica in Europa che la porta un peso cussì forte in una sola rapresentazione. Porta quatro zinque sie oto dieci omeni, quanti che la vol, magari tuto el casoto che va in malora sua. Ancora pochi momenti za che tuti pol morir de un momento a l’altro: pol vignir un colpo a la mia parona, e anche a voialtri che ste là de fora. Fè presto a vignir drento perchè xe presto finide tute quante queste picule rapresentazioni del’ultimo momento che qua in zità a Trieste gavemo furtuna de esser. Dieci soldi se paga, picoli, muli, militari, pagano la metà.
Alè kommen sie hinein….
Alè, peite nutre, peite nutre!