Pinuci - Trieste - Mgs Press 2001 (acquista)
Con il patrocinio della Fondazione Nazionale Carlo Collodi




Iera una volta...
"Un re!" dirà subito i mii pici letori.
No, putei, gavè sbalià. Iera una volta un toco de legno. No iera un legno de lusso, ma una bora qualunque, de quele che se meti de inverno intei fogaleri e inte le stue per impizar el fogo e scaldar le camere. No so ben come che xe sucesso, ma fatostà che un bel giorno 'sto toco de legno xe capità in botega de un vecio marangon che se ciamava mistro Antonio, solo che tuti, però, i lo ciamava mistro Zariesa, pervia de la ponta del suo naso, che la iera sempre lustra e pavonaza come una zariesa madura.